Саха тылын, литературатын уонна култууратын учууталларын
иккис өрөспүүбүлүкэтээҕи сийиэһэ
«Ийэ тыл –дьиэ кэргэн бигэ тирэҕэ»
Төрөппүттэр ырытыһар түһүлгэлэрэ
Күнэ-дьыла: 2022 с. сэтинньи 24 күнэ
Кэмэ: 9.30 -13.00
Буолар сирэ: Дьокуускай куорат 2 -с №-дээх Национальнай политехническэй оскуолата, Ярославскай уулусса 8/1, аактабай саала
Сигэтэ:
Кыттааччылар: Төрөппүттэр түмсүүлэрэ, учууталлар, иитээччилэр,үөрэх кыһаларын салайааччылара.
Сүрүн сыала:
Саха сирин оскуолаларын, уһуйааннарын төрөппүттэрин кэмитиэттэрин, түмсүүлэрин, бөлөхтөрүн сахалыы саҥарыы, сахалыы иитии-үөрэтии хайысхатыгар үлэлэрин тиһигин оҥоруу.
Соруктар:
- Сахалыы саҥарыы, сахалыы иитии-үөрэтии хайысхатыгар үлэлиир төрөппүттэр “Ийэ тыл кэскилэ” Өрөспүүбүлүкэтээҕи ситимнэрин кэҥэтии.
- Саха сирин оскуолаларын, уһуйааннарын төрөппүттэрин кэмитиэттэригэр сахалыы саҥарыы, сахалыы иитии-үөрэтии хайысханы киллэрэри, үлэлиир бөлөхтөрү тэрийэри көҕүлээһин.
- Төрөппүттэр кэмитиэттэригэр сахалыы саҥарыы, сахалыы иитии-үөрэтии хайысхалаах бөлөхтөр үлэлэрин ис хоһоонун, ньымаларын ырытыһыы, былааны оҥоруу.
- Улуус, нэһилиэк таһымыгар сахалыы эйгэни кэҥэтии, төрөппүттэри кытта үлэни тэрийии ис хоһоонун ырытыһыы.
Түмүгэ: Саха сирин оскуолаларын, уһуйааннарын төрөппүттэрин кэмитиэттэрин, түмсүүлэрин, бөлөхтөрүн сахалыы саҥарыы, сахалыы иитии-үөрэтии хайысхатыгар үлэ эппиэтээхтэрин, болдьохторун анаан туран былаанын оҥоруу.
Модеротор – Борисов Виктор Борисович, “Россия – моя история” түмэл үлэһитэ
Түһүлгэ үлэтин хардыыта
Бириэмэтэ | Ис хоһооно |
9.00-09.30 | Бэлиэтэнии |
9.30-09.35 | Киирии тыл |
9.35-10.10 | Дакылааттар |
9.35-9.42 | Вилюяна Никитина, “Ийэ тыл кэскилэ” Өрөспүүбүлүкэтээҕи хамсааһын салайааччыта. “Төрөппүттэр түмсүүлэрин сахалыы саҥаны, сахалыы иитиини сайыннарар, ситимнээх үлэлэрин тэрийии”. |
9.43-9.50 | Иван Иванович Шамаев, математика билимин хандьыдаата, Өрөспүүбүлүкэтээҕи интернат-лицей дириэктэрэ, “Ийэ тыл” түмсүү сүрүннээччитэ. |
9.51-9.58 | Галина Семеновна Попова-Санаайа, педагогика билимин хандьыдаата, М.К. Аммосов аатынан ХИФУ профессора. “Ыал олоҕор Төрүт үгэс ыйдарынан эргиирэ” |
9.59-10.06 | Октябрина Кулешова. “Майа сэлиэнньэтигэр оҕону сахалыы иитии-үөрэтии, сахалыы саҥатын сайыннарыы үлэтэ”. |
10.07.-10.14 | Евгения Николаевна Габышева, Дьокуускай куорат “Айыы кыһата” гимназия Төрөппүт кэмитиэтэ. “Төрөппүт кэмитиэтин оскуолаҕа сахалыы саҥа сайдар эйгэтин тэрийэр үлэтэ” |
10.15.-10.22 | Индеева Саргылана Руслановна, Нам улууһун Хамаҕатта нэһилиэгин “Тускул” уһуйаанын иитии үлэтигэр сэбиэдиссэйэ. “Дьиэ кэргэн – Ийэ тыл биһигэ” бырайыак”. |
10.23.-12.50 | Ырытыһыы. 3 мүнүүтэлээх тыллары этии |
12.50-13.00 | Түмүк докумуону ылыныы. |
Кыттыыны ылар дьон ахсаана — 100 киһи (51 сайаапка ылылынна)
